Վերականգնողական կենտրոնի բուժվողներից է 11- ամյա Մարիամը, ով վերջերս դիմել է կենտրոն՝ բուժում ստանալու նպատակով: Մարիամը Հադրութի շրջանի Ուխտաձոր գյուղից է բայց պատերազմի պատճառով նրանք կորցրել են իրենց բնակավայրը և ժամանակավորապես բնակվում են Ստեփանակերտում՝ պետության կողմից տրամադրված հյուրանոցներից մեկում:
Մարիամը ունի մանկական ուղեղային կաթված ախտորոշում : Վերականգնողական կենտրոնում նա ստանում ֆիզիոթերապիստի, հոգեբանի, լոգոպեդի ծառայություն, ինչպես նաև մեծ սիրով մասնակցում է նկարչության և կավագործության դասընթացներին:
Քանի որ Մարիամը ունի կլման խնդիր և լեզվի մկանների լարվածություն, ուստի լոգոպեդը աշխատում է նրա խմելու, ծամելու ֆունկցիաների զարգացման վրա: Իսկ բուժական ֆիզկուլտուրայի միջոցով փորձում ենք կատարել կարճ մկանների ձգում, թույլ մկանների ուժեղացում և նստած բալանսի զարգացում:
Մարիամին վերականգնողական կենտրոն գալու և տուն հասնելու համար տրամադրվել է համապատասխան տրանսպորտ և կենտրոնի վարորդը ամեն օր նրան բերում է բուժման և տեղափոխում տուն: Վերականգնողական կենտրոնը միշտ իր բուժվողների կողքին է և փորձում ենք անել հնարավորը նրանց պատշաճ պայմաններում բուժում ցուցաբերելու համար:
