Յուրաքանչյուր տարեվերջին ի մի ես բերում կատարված աշխատանքները և կյանքիդ վերջին մի տարին։
Քերոլայն Քոքսի անվան վերականգնողական կենտրոնը բավականին մեծ աշխատանք կատարեց վերջին մեկ տարվա ընթացքում, և հարյուրավոր ծանր հաշմանդամություն ունեցող մարդիկ իրենց բուժումը և աջակցությունը ստացան կենտրոնի անձնակազմի կողմից։
Աշխատեցինք ինչպես և նախորդ տարիններին, և արդյունքները բավականին գոհացուցիչ են , ունեցանք հաջողություն նաև մեր բարեգործական ծրագրերում՝ տարվա ընթացքում կառուցեցինք նոր ամբուլատոր բաժանմունք, որտեղ իրենց բուժումն կստանան նորածիները և մեծահասակները, ինչպես նաև կստանան լոգոպեդի և հոգեբանի ծառայություն, և ակնկալում ենք, որ այդ նոր շենքում 2023 թվականին կունենանք հատուկ զգայական սենյակ՝ մեր հատուկ խնդիրներ ունեցող երեխաների համար։
Անելիքները դեռևս շատ են սպասվում, որովհետև մենք Merieux հիմնադրամի հետ կշարունակենք աշխատել և ավելի ընդարձակ , հարմարավետ ու պատշաճ պայմաններ ստեղծել մեր շահառուների համար։
Վերականգնողական կենտրոնը շարունակաբար վերջին 24 տարիների ընթացքում զարգանում է, ճիշտ է դանդաղ տեմպերով, բայց հաստատուն և էլ ավելի հարմարավետ պայմաններ ստեղծում, ինչպես թիմի աշխատանքների իրականացման համար, այնպես էլ շահառուների։
Այս օրերին դժվար է բոլորիս համար, երբ ազգաբնակչությունը հայտնվել է մի այնպիսի իրավիճակում, որ նկարագրելու իմաստ չեմ տեսնում և բոլորը դա զգում են։
Վստահ եմ, որ այս իրավիճակը արագ կավարտվի և մենք կվերադառնանք մեր բնականոն կյանքին։
Ուզում եմ առիթից օգտվել և շնորհակալություն հայտնել վերականգնողական կենտրոնի թիմի բոլոր աշխատակիցներին իրենց լավ , նվիրված և հայրենանվեր աշխատանքի համար։
Եվ դա ոչ միայն իմ կողմից է, այլ վստահ մեր բոլոր շահառուների կողմից, և նրանց անունից ցանկանում եմ շնորհակալություն հայտնել ձեր կատարած աշխատանքի համար։
Շնորհավորանքներս ուղղում եմ վերականգնողական կենտրոնի շահառուներին՝
Շնորհավորում եմ բոլորիդ գալիք 2023 թվականը և Սուրբ ծնունդը, և մաղթում՝ խաղաղություն ու ամենայն բարիք՝ Ձեզ և ձեր ընտանիքներին։
Մաղթում եմ բոլորին ուրախ տոնական օրեր։
Վարդան Թադևոսյան