«Հովարդ Կարագյոզյան» բժշկական բարեգործական հասարակական կազմակերպությունը և Քերոլայն Քոքսի անվան վերականգնողական կենտրոնը արդեն երկրորդ տարին է , ինչ համատեղ համագործակցության շնորհիվ կազմակերպում են ջրաբուժության դասընթացներ արցախյան 44-օրյա պատերազմի ընթացքում զոհված ազատամարտիկների երեխաների համար։
«Հովարդ Կարագյոզյան» բժշկական բարեգործական հասարակական կազմակերպությունը Ստեփանակերտում զոհված զինծառայողների ընտանիքների կարիքների խորքային գնահատման աշխատանքների և կատարված հարցումների արդյունքում ընտրել է 40 երեխաներ։
Երեխաները խմբավորվել են թվով 4 խմբերում, որոնցից յուրաքանչյուրը ներառում է 10 երեխա։
Վերականգնողական կենտրոնի մարզիչները երեխաներին սովորեցնում են լողալ և ծանոթացնում՝ լողի որպես մարզաձևի տարատեսակներին, ինչպես նաև կազմակերպվում են հետաքրքիր ջրային խաղեր։
Ուրախ ենք հաջողված համագործակցության և երեխաներին մատուցված հետաքրքիր ժամանցի և հաճելի էմոցիաների համար։
