Այսօր հերթական տնայցի շրջանակներում այցելեցինք Ասկերանի շրջանի Խնածախ(Ջամիլյու) գյուղում բնակվող՝ կենտրոնի շահառու Դավիթին, ով ունի աուտիզմ ախտորոշում և առողջական այլ խնդիրներ։
Ինչպես գիտեք , Հայրումյանների 9 հոգանոց ընտանիքը բնակվում է փոքրիկ երկաթե տնակում, բայց, որպես բազմազավակ և հաշմանդամություն ունեցող ընտանիք, նրանց համար պետության կողմից կառուցվում է մեծ տուն, որի շինարարական աշխատանքները ընթացքի մեջ են:
Այս ընտանիքի ապրուստի հիմնական միջոցը 4 անչափահաս երեխաների նպաստն է և գյուղատնտեսական աշխատանքներից ստացված միջոցները։
Այցի ընթացքում Դավիթի ընտանիքին է տրամադրվել տակդիրներ և Կարմիր Խաչի Միջազգային կազմակերպության կողմից տրամադրված սնունդը։ Հուսով ենք , որ ապագայում Դավիթի ընտանիքը նրան կկարողանա բերել վերականգնողական կենտրոն, անհրաժեշտ բուժում ստանալու համար։