Տնային այցելության բաժանմունքի շահառուներից է Արտակը, ով 1988թ․ Բաքվից տեղահանվելուց հետո իր ընտանիքի հետ բնակություն է հաստատել Արցախի Ասկերան քաղաքում։ Արտակը իր եղբոր հետ ակտիվ մասնակցություն է ունեցել արցախյան առաջին պատերազմին , որի ժամանակ էլ 1993թ․ կորցրել է իր 33 տարեկան եղբորը։
Արտակը իր վնասվածքը ստացել է 1996 թվականին դժբախտ պատահարի հետևանքով։
2000 թվականից սկսած նա գտնվում է վերականգնողական կենտրոնի ուշադրության ներքո և կենտրոնի կողմից ստանում տակդիրներ և բժշկական պարագաներ:
Նա ամուսնացած է և ունի երեք երեխա ՝ երկու տղա և մեկ աղջիկ: Նրա բազմանդամ ընտանիքը ապրում է փոքր և միաժամանակ անմխիթար վիճակում գտնվող տանը: Տունը ահապաղ ենթակա է վերանորոգման, սակայն նա հնարավորություն չի ունեցել սեփական ուժերով վերանորոգել կամ գոնե որոշակի հարմարություններ ստեղծել։
Հուսանք, որ ապագայում կլուծվի նաև նրա կացության խնդիրը և արցախցին կկարողանա նորմալ պայմաններում բնակվել։
