Մոտենում է 2022 թվականը , մեկ տարի է անցել ինչ Արցախի ժողովուրդը համախմբվելով փորձում է կրկին վեր հառնել թևերը և ապրել հանուն Արցախի գոյության , հանուն ճշմարտության և ազատության:
Փակելով մեկ տարվա պատմության գիրքը կարող ենք վստահ ասել , որ այո մենք կրկին ապացուցեցինք , որ մենք կարող ենք:
Մենք կարողացանք դիմանալ՝պայքարեցինք և այսօր ապրելով թշնամուն դեմ առ դեմ ՝ շարունակում ենք դավանել հայրենասիրություն և հավատ:
Քերոլայն Քոքսի անվան վերականգնողական կենտրոնը ամփոփում է 2021 թվականը և նշում որ, այն դժվար և պատասխանատու տարի էր նաև կենտրոնի համար: Այս տարվա ընթացքում կենտրոնը իր ծառայություններն է մատուցել հարյուրավոր մարդկանց , այդ թվում վերջին պատերազմի հետևանքով տարբեր աստիճանի վիրավորում ստացած անձանց, փորձելով հասնել առավելագույն արդյունքների: Տարին խորհրդանշական էր կենտրոնի համար , շինարարական բարեփոխումներով հանդերձ, այստեղ ստեղծվել և ստեղծվում են բոլոր հնարավոր միջոցները , մեր շահառուների բուժումը լիարժեք և հարմարավետ պայմաններում կազմակերպելու համար:
Կենտրոնի բուժվողների և անձնակազմի անունից ցանկանում ենք շնորհակալություն հայտնել մեր աջակիցներին և շնորհավորել բոլորի Ամանորն ու Սուրբ Ծնունդը:
Մաղթում ենք խաղաղություն, առողջություն և ձեռքբերումներով լի տարի: