Վերականգնողական կենտրոնի տնային բաժանմունքի բուժքրոջ հերթական այցը Ասկերանի շրջանի մեր շահառուներին:
Տնային այցելության բաժանմունքը սպասարկում է ծանր հաշմանդամություն ունեցող մարդկանց՝ տնային պայմաններում համապատասխան օգնությունը ցուցաբերելու համար: Տնային այցերը կազմակերպվում են թոշակառուների , ծանր հաշմանդամություն և տեղաշարժման խնդիրներ ունեցող մարդկանց համար:
Այցի նպատակն է տրամադրել խնամքի պարագաներ, տակդիրներ, կատարել վերքերի մշակման , կատետրիզացիայի, աղիքների և միզապարկի խնդիրների լուծում, ինչպես նաև շահառուի և ընտանիքի անդամների ուսուցում:
Այս անգամ այցելեցինք ՝ Ողնուղեղային վնասվածքի հետևանք ունեցող Արտակին, ՄՈՒԿ ախտորոշում ունեցող Հարութին և Սրբուհուն, թոշակառու Լուսիկ ու Ռայա տատիկին, և Հադրութի շրջանի Թաղասեր գյուղի բնակիչ Ասլանիկ պապիկին, ով այսօր վերաբնակվել է Ասկերանի շրջանի Այգեստան գյուղում և գտնվում է աղջկա խնամակալության տակ:
Վերականգնողական կենտրոնի տնային բաժանմունքի պատասխանատուները անում են հնարավորը , որպեսզի ընդլայնեն տնային այցելության շահառուների քանակը՝ օգնելով ավելի շատ թվով մարդկանց: